亞洲區車手友誼賽 賽後專訪｜謝文凱 ： 走出雨戰陰影，以「放鬆、突破」迎接新的自己

2026 年 6 月 28 日，亞洲區車手友誼賽 第2會合於中山中賽國際賽車場舉行。15 位參賽者使用相同規格的 Aprilia GPR150 參賽。當日斷斷續續地下著雨，從練習、排位賽到正式比賽，全程都在濕地環境下進行，也造就了一場場精彩激烈的對決。

一年前曾在雨戰中留下深刻遺憾的謝文凱，這次的比賽卻展現出與過去截然不同的自信與沉穩。

Race1 中，他一路參與領先集團的爭奪，卻在比賽尾段因突發事故摔車。然而，他迅速重返賽道，最終仍以第 3 名衝過終點，展現了永不放棄的鬥志。

雨戰前的心理準備與突破

── 本次比賽開始前，你為自己制定了什麼比賽策略？

本次比賽前四日天氣預告比賽日大致上係雨戰，所以巳經有雨戰心理準備。

雖然有心理準備，但來自2025年港澳中賽杯殘留嘅陰影依然存在。但經過一年打磨對自己嘅信心巳經建立，藉住難得嘅 Wet Race 去比自己突破，放鬆、突破，就係今次比賽嘅重心。

T7，成為決勝的超車點

── 在 Race 1 和 Race 2 中，我們都看到你多次在 T7 嘗試超越對手。為什麼會選擇 T7 作為主要的超車點？

因為對煞車及前胎有信心，而且T6選擇的線路直線上比較有優勢，所以T7成為一個不錯嘅進攻位置。

── 當時一直跑在你前方的歐陽志謙，你對他的表現有什麼看法？有沒有哪個位置讓你覺得「這裡有機會完成超車」？

歐陽志謙嘅起步非常岀色，體重較輕岀彎及直路有優勢，但煞車方面我比較有信心，所以 Race1 的 T7 能夠超車。

── 你覺得這次比賽中最具挑戰性的彎道是哪一個？為什麼？

中山其實整個賽道都好有挑戰性，不過今次比賽最具挑戰性嘅彎道會係 T5、T6、T7 呢一組彎道。
因為 T5 選擇嘅路線會影響 T6 出彎速度。
而 T6 因為由左邊翻身到右邊，車手對車輛嘅控制必須非常小心，我2025嘅陰影就係喺呢個彎道得來。
最後 T7 盡可能攜帶速度進彎，所以必須小心控制煞車避免 Lowside。

雨戰中的判斷與駕駛節奏

── 這次的雨戰與平時乾地比賽相比，有哪些最大的不同？對你的駕駛方式造成了哪些影響？

雨戰相比乾地操作要更細膩，要有速度但不能粗魯，駕駛方式必須比乾地更放鬆身體。

── 在追趕前方車手的過程中，你會思考什麼？是專注尋找超車機會，還是有其他策略？

中山中賽16圈賽事對一般車手來說不是易事，但濕地體力消耗較少，因此沒打算用消耗戰，所以尾隨一邊觀察對手，一邊尋找超車機會，是我當時嘅選擇。

── Race 1 和 Race 2 相比，你的駕駛方式或心態有沒有出現什麼改變？

Race1 係揸得比較亢奮，因為塊地比 Race2 乾啲，所以可以放鬆啲去揸。Race2 開始之前落咗陣雨，心理壓力大咗，驚用 Race1 嘅揸法會有危險，所以比較保守

一場比賽帶來的成長

── 這次比賽中，哪一個瞬間最令你印象深刻？

係 Race1 剩返兩個圈嘅時候同蕭培基碰撞跌車，之後雖然能夠回到賽道，但個座位甩咗，我坐住個尾車架繼續進行比賽，最後完成比賽第三名，覺得比賽真係咩意外都有，所以好深刻。

── 經過這次比賽後，你認為自己還有哪些地方希望在下一站繼續改善？

今次比賽之後我對濕地嘅信心大咗，但係唔會因為咁樣而滿足，自身技術同耐力都需要繼續提升，繼續努力訓練。

最後，給一直支持自己的車迷

以前係香港講賽車會係痴人說夢，
但依家已經有越嚟越多平台可以接觸。
希望有更多人一齊玩、一齊 Happy。
我係吖凱，一個熱愛賽車嘅中年人。
Thank you！

編輯後記

這次專訪中，最令人印象深刻的，過於謝文凱提到的 「放鬆、突破」。

他沒有因為去年的雨戰留下陰影而選擇退縮，反而刻意透過這場雨戰再次挑戰自己。最終，他不但重新建立了對濕地的信心，也把下一個目標放在提升技術與耐力。

延伸閱讀（相關文章）